Ubos sa Section 55 sa Omnibus Election Code of the Philippines, kinahanglan hatagan sa local government units (LGU) ug lugar ang office of the election supervisor ug iyang staff aron mabuhat nila ilang trabaho.
Apan para kang Frederick W. Siao, posibleng rason kini nga madudahan ang pagkapatas sa Commission on Elections (COMELEC) ug mahuna-hunaan sa katawhan nga maimpluwensyahan sila sa kagamhanang lokal.
Concern usab kini para sa uban pang mga opisina: Civil Service Commission (CSC), Commission on Audit (COA), ug Office of the Ombudsman.
Aron malikayan kini nga pagduda ug maprotektahan ang public trust niini nga mga opisina, suhestyon ni Frederick W. Siao sa kongreso nga himuan sila ug kaugalingong permanent office buildings.
Hatagan usab kini ug 10-15 ka tuig nga timeline aron mahan-ay sa mga responsableng komitiba ug ahensya ang mga detalye.
FREDERICK W. SIAO
Lone District of Iligan City