Tungod sa kadako sa potential sa nabiling lugar ug properties sa National Steel Corporation (NSC) sukad naundang ang operation niini, gisugyot ni Cong. Frederick W. Siao, pinaagi sa House Bill 9696, nga pahimuslan kini pinaagi sa pagtukod ug special economic zone (SEZ) sa maong lugar.
Kini nga bill, ginatawag nga “An Act Establishing a Special Economic Zone in Iligan City to be Known as the ‘NSC Special Economic Zone’, and Appropriating Funds Therefor.”
Ang SEZ, usa ka lugar diin adunay mas ubos nga economic regulations ug adunay economic privileges sama sa tax holiday period. Tungod niini, kusog makadani ang SEZ ug mga investors ug business opportunities ug muresulta usab sa pagdaghan sa trabaho ug pagpakusog sa ekonomiya sa syudad.
Dili usab kini makaapekto sa padayong legal battle sa local government ug NSC liquidator tungod pwede kining government-owned o privately-owned SEZ. Bahala’g kinsa man ang magdala sa ecozone, magdala kini ug dakong kaayuhan sa katawhan sa Iligan.
REP. FREDERICK W. SIAO
Lone District of Iligan City