Gikumpirma ni Emergency Operations Center Health Cluster Manager Dr. Belinda Bunz Lim nga aduna nay duha ka kaso sa #COVID19 Delta variant dinhi sa Iligan City.
Nadawat nila ang impormasyon adlaw’ng Dominggo nga nagpositibo sa maong variant ang 29 anyos gikan Quezon City nga nibisita sa iyang pamilya sa Brgy. Tomas Cabili.
Nagpositibo usab sa maong variant ang uyab sa iyang igsoon nga kauban nila sa balay. Pito kabuok membro sa pamilya ang natakdan ug nagpositibo sa COVID-19 ug gidala na silang tanan sa Amai Pakpak Medical Center sa Marawi City.
Giawhag ang tanan ni Cong. #FreddieSiao nga striktohon ang pagtuman sa #health protocols ug kung mahimo, dili usa mugawas sa balay kung walay importanteng lakaw.
Source: DXIC Iligan
#DeltaVariant
#SaveLives
#FightCOVID19
#AsensoPanglawas
#AsensoIliganon